Фаъолияти Вазорати фарҳанг дар соли 2013

Душанбе, 28 январ. (АМИТ «Ховар», Анна  Мошенко).- «Соли  2013 гуруҳҳои  театрӣ,  дастаҳои  консертӣ  ва  ҳунарпешагони  сирки  Тоҷикистон  1679  чорабиниро  роҳандозӣ  намуданд. Аз ҷумла,  театрҳои  касбии  ҷумҳурӣ  38  намоишномаҳои  муаллифони  тоҷику  хориҷиро  рӯи  саҳна оварданд.  Як  қатор   театрҳо  ва  гуруҳҳои  консертӣ  дар озмуну  ҷашнвораҳои  байналмилалии   Русия,  Ҳиндустон,  Қазоқистон,  Туркманистон  ва  кишварҳои  дигар  иштирок  доштанд», —  гуфт   Вазири  фарҳанги  Тоҷикистон  Шамсиддин  Орумбеков. 
 
Вазорати  фарҳанг  дар  асоси 53  созишномаи   давлатию  соҳавии  байналмилалӣ ва   барномаҳои  ҳамкорӣ  дар  риштаи  фарҳанг  фаъолият  мекунад. 
 
Муовини  аввали   вазири  фарҳанг  Маҳмадсаид  Пиров  дар навбати  худ  зикр  намуд, ки  Тоҷикистон  барои  ҷалби  коргардонҳои  хориҷӣ  имконияти  зиёде  дорад.