Имзои Ёддоштҳои тафоҳуми соҳибкорони тоҷику рус

Душанбе, 23 январ. (АМИТ «Ховар»,Фарзона Достонзода). — Дирӯз дар шаҳри Душанбе ҷаласаи 12-уми Комиссияи байниҳукуматии Ҷумҳурии Тоҷикистон ва Федератсияи Русия оид ба ҳамкориҳои иқтисодӣ- «Муколамаи соҳибкорони Тоҷикистону Русия» бо ибтикори Кумитаи давлатии сармоягузорӣ ва идораи амволи давлатии Ҷумҳурии Тоҷикистон баргузор гардид.Дар ҷаласа ҳарду ҷонибро намояндагони соҳибкорони бахшҳои мухталифи иқтисодӣ: энергетика, саноат, истихроҷи нафту газ ва бонкӣ муаррифӣ намуданд. Аз Кумитаи сармоягузорӣ ба АМИТ «Ховар» иттилоъ доданд, ки аз рӯи натиҷаҳои ин чорабинӣ Ёддошти тафоҳум байни ҶСП «Возрождения» -и Федератсияи Русия ва Пажуҳишгоҳи илмӣ-тадқиқотии Вазорати нақлиёти Ҷумҳурии Тоҷикистон ва ҶСП « Тролза»и Федератсияи Русия ва корхонаи васлкунии троллейбус ва велосипедҳои ш.Душанбе ба имзо расид.