Кӯмаки Туркия барои коркарди маводи барӯйхатгирии кишоварзии ҶТ
Душанбе, 2 январ. (АМИТ «Ховар», Лутфия Эшонқулова).-Агентии ҳамкориҳои байналмилалии Туркия бо мақомоти омори Ҷумҳурии Тоҷикистон барои коркарди маводи барӯйхатгирии кишоварзӣ кӯмаки техникӣ пешниҳод намуд. Агентии ҳамкориҳои байналмилалии Туркия барои мақомоти марказӣ ва маҳалии омор техникаи компютерӣ, аз қабили 45 компютер ва 14 принтер харид ва тақдим намуд. Дар маросими расмии пешниҳоди кӯмаки техникӣ ҳамоҳангсози идораи Тоҷикистонии Агентии ҳамкориҳои байналмилалии Туркия — Абдулло Сари ширкат намуда, зикр кард, ки кӯмаки техникии мазкур барои гузаронидан ва коркарди маводи барӯйхатгирии кишоварзии Ҷумҳурии Тоҷикистон пешбинӣ шудааст. Тибқи иттилои директори Агентии омори назди Президенти Ҷумҳурии Тоҷикистон — Гулнора Ҳасанова, Агентии ҳамкориҳои байналмилалии Туркия яке аз шариконе мебошад, ки ҷиҳати такмили соҳаи омор, баланд бардоштани малакаи кормандони соҳаи омор аз соли 2007 инҷониб 105 нафар кормандони мақомоти омори ҷумҳурӣ барои омӯхтани таҷрибаи пешбурди омори расмӣ дар мавзуъҳои гуногун дар Институти омори Туркия дар курсҳои омӯзишӣ ширкат доштанд. Ҳамчунин барои гузаронидани шабакаи ягонаи иттилоотӣ ва барӯйхатгирии аҳолӣ коршиносони омори Туркия ба Тоҷикистон омада, семинарҳои омӯзишӣ гузарониданд.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






