Мақсад-рушди ҳамкориҳои ҳадафманд

Душанбе, 9 январ. (АМИТ «Ховар», Муқаддас Кушакова).-Бо мақсади рушди хамкориҳои ҳадафманд дар соҳаи маориф ва истифодаи самараноки захираҳои давлатӣ байни Академияи таҳсилоти Тоҷикистон ва Академияи таҳсилоти Қирғизистон Созишномаи ҳамкорӣ ба имзо расид. Тавре ки ба АМИТ «Ховар» аз  Академияи таҳсилоти Тоҷикистон хабар доданд, тарафҳо ба мувофиқа расиданд, ки минбаъд самтҳои асосии ҳамкориҳо, аз ҷумла пажуҳишҳои муштарак ва чопи осори илмӣ, китобҳои дарсӣ барои мактабҳои қирғизӣ дар Тоҷикистон ва барои мактабҳои тоҷикӣ дар Қирғизистон ва ҳамкориҳо дар таҳқиқи рисолаҳои номзадӣ ва докториро роҳандозӣ намоянд.