Машварати давлатҳои аъзои СҲШ
Душанбе, 24 январ. (АМИТ «Ховар»).- 22 январ дар ВКХ Русия машварати давлатҳои аъзои Созмони Ҳамкории Шанхай (СҲШ), давлатҳои мушоҳиди назди СҲШ ва ҷонибҳои дигари манфиатдор аз рӯи масоили амнияти минтақа баргузор гардид. Тавре ки аз ВКХ Тоҷикистон ба АМИТ «Ховар» хабар доданд, дар машварат аз ҷониби Ҷумҳурии Тоҷикистон муовини Вазири корҳои хориҷӣ Низомиддин Зоҳидов ширкат дошт.Низомиддин Зоҳидов зимни суханрониаш қайд намуд, ки ҳалли проблемаи Афғонистон яке аз самтҳои асосии таҳкими амнияти минтақавии бахши масъулияти СҲШ буд ва мебошад.Қайд шуд, ки вазъияти Афғонистон баъди соли 2014 нафақат ба амнияту суботи минтақа, балки ба вазъияти умумии ҷаҳон низ таъсир мерасонад. Дар чунин вазъият Тоҷикистон зарур мешуморад, ки кишварҳои аъзои СҲШ ва ҷомеаи ҷаҳон ба раванди барқарор намудани сулҳу суботи Афғонистон мусоидат намоянд.Дар ҷараёни машварати ҷонибҳо ҳамчунин аз рӯи масоили таъмини амнияти минтақа бо василаи муқобилат ба терроризми байналмилалӣ ва ифротгароии динӣ, гардиши ғайриқонунии маводи мухаддир, ҷинояткории муташаккилона, ҳамчунин хавфу хатари дигаре, ки хусусияти наздисарҳадӣ пайдо намудаанд, мубодилаи афкор баргузор шуд.
Имрӯз дар Тоҷикистон ҳавои тағйирёбанда пешгӯӣ шуда, дар баъзе ноҳияҳо борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
Мегафон Тоҷикистон: акнун сӣ «Устоди алоқа»!
