Мусобиқаи кушоди даставӣ оид ба футболи хурд

Душанбе, 4 январ. (АМИТ«Ховар», Лайло Қосимова). -Аз 21-уми январ то 22-юми феврали соли 2014 бо ташаббуси вазири корҳои дохилӣ Рамазон Раҳимов дар маҷмааи варзишии Вазорати корҳои дохилӣ мусобиқаи кушоди даставӣ оид ба намуди футболи хурд байни мақомоти ҳифзи ҳуқуқ, сохторҳои қудратӣ, корхонаву идораҳои давлатии Ҷумҳурии Тоҷикистон ва дигар дастаҳои хоҳишманд гузаронида мешавад. Тавре ки аз хадамоти матбуоти Вазорати корҳои дохилии ҷумҳурӣ хабар доданд, ғолибони мусобиқа бо ҷому медал, ифтихорнома ва туҳфаҳои хотиравӣ мукофтонида мешаванд. Хоҳишмандон метавонанд, дархостҳои худро барои иштирок дар мусобиқа ба ШҶ «Динамо»-и Вазорати корҳои дохилӣ то 19-уми январи соли 2014 пешниҳод намоянд.