Низоми ҷуғрофии иттилоотӣ барои неругоҳҳо

Душанбе, 13 январ. (АМИТ «Ховар», Екатерина Пасторова).- Соли 2013 мутахассисони соҳаи зилзиласанҷии Тоҷикистон барои силсилаи неругоҳҳо низоми ҷуғрофии иттилоотиро таҳия намуданд, ки он имконияти арзёбии хавфи зилзила ва устувории иншоотҳоро фароҳам меорад.Президенти Академияи илмҳои кишвар Фарҳод Раҳимов дар ҷаласаи ҳисоботии Академия дар ин бора хабар дод. Фарҳод Раҳимов ҳамчунин зикр намуд, ки кормандони Пажуҳишгоҳи масоили об, гидроэнергетика ва экология маҷмуи моделҳои математикии идораи тартиби кори обанборҳои тайиноти гуногунро тарҳрезӣ намудаанд. Истифодаи онҳо имкон медиҳад, ки тартиби кори муназзами неругоҳҳо роҳандозӣ шавад.