Тасдиқи лоиҳаи дуюми «Обтаъминкунии шаҳри Душанбе»
Душанбе, 9 январ.(АМИТ «Ховар», Mуқаддас Кушакова).- Дирӯз зимни ҷаласаи Маҷлиси намояндагони Маҷлиси Олии Ҷумҳурии Тоҷикистон Созишнома оид ба маблағгузорӣ байни Ҷумҳурии Тоҷикистон ва Ассотсиатсияи байналмилалии рушд оид ба лоиҳаи дуюми «Обтаъминкунии шаҳри Душанбе» пас аз суханронии муовини вазири молияи Ҷумҳурии Тоҷикистон Наими Аламхони Қодириён ва вакили Маҷлиси намояндагон Исмоил Талбаков тасдиқ шуд.Таъкид шуд, ки мақсади Созишнома ин сохтмон ва барқарорсозии иншоотҳои обтаъминкунии шаҳри Душанбе, баҳри беҳтар намудани фаъолияти корхона ва баланд бардоштани сифати хизматрасонӣ ҷиҳати обтаъминкунӣ дар шаҳри Душанбе мебошад.Арзиши умумии лоиҳа 19,00 млн. доллари ИМА-ро ташкил медиҳад, ки аз он 16,00 млн. доллари ИМА ин саҳми Бонки Умумиҷаҳонӣ (ҳамчун грант) ва 3,00 млн. доллари ИМА саҳми Ҳукумати Ҷумҳурии Тоҷикистон мебошад.Қисмати аввали лоиҳа ҳанўз 12 октябри соли 2011 оғоз ёфта буд, ки то 16-декабри соли 2013 2,025 млн доллари ИМА ё худ 10,65%-и он аз худ шудааст. Аз маблағи аз худшуда 1,591млн доллари ИМА аз ҳисоби грантҳои ҷудо шуда ва 0,434 млн доллари ИМА аз ҳисоби мақомоти иҷроияи маҳаллии ҳокимияти давлатӣ дар ш. Душанбе мебошад.Хусусияти фарқкунандаи лоиҳа аз он иборат мебошад, ки барои иҷрои Созишномаи мазкур бо 14 ширкату корхона қарордод ба имзо расонида шудааст, ки аксарияти онҳо корхонаҳои ватанӣ мебошанд ва дар онҳо бештар аз ҳазор нафар ба кор ҷалб мешаванд. Иҷрои Созишнома оид ба маблағгузорӣ байни Ҷумҳурии Тоҷикистон ва Ассотсиатсияи байналмилалии рушд оид ба лоиҳаи дуюми «Обтаъминкунии шаҳри Душанбе» дар амалӣ шудани барномаҳои Ҳукумати Ҷумҳурии Тоҷикистон оид ба беҳтар намудани обтаъминкунии аҳолии шаҳри Душанбе заминаи воқеӣ хоҳад гузошт, ки он ҷавобгўи дархосту таклифҳои интихобкунандагон низ мебошад.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






