Қочоқгарон дастгир шуданд

Душанбе, 17.02.2014. (АМИТ «Ховар»,  Лутфия  Эшонқулова).- Кормандони  Агентии  назорати  маводи  нашъаовари  назди Президенти  ҶТ  ду  нафар  сокинони  ноҳияи  Рӯдакиро, ки ба қочоқи  маводи  нашъаовар машғул  буданд,   дастгир  намуданд. 
 
Назар  ба  хабари  Агентии  назорати  маводи  нашъаовар  ба  кормандони  агентӣ  маълум  шуд, ки  посбони  коллеҷи  техникию  омӯзгории   шаҳраки  Сомониёни   ноҳияи  Рӯдакӣ  ба   гардиши ғайриқонунии  маводи  нашъаовар   машғул  будааст. 
 
Дар  натиҷаи  тафтиши  ҳуҷраи  посбони  коллеҷ  аз  он  ҷо  80  бастаи  ҳашиш   пайдо  гардид. 
 
Посбони  коллеҷ ва  шарики  ӯ  дастгир  шуда, аз рӯи  ин қазия    парвандаи  ҷиноӣ  кушода,шудааст.