Қурби евро баланд шуд

   Душанбе, 28.02.2014. (АМИТ «Ховар», Лайло Тоирӣ).- Дар давоми ҳафтаи равон қурби миёнаи доллари ИМА дар нуқтаҳои мубодилаи асъори ҷумҳурӣ бетағйир боқӣ монда, ба ҳисоби миёна ба 4,9590-4,9770 сомонӣ баробар шуд. 
     Қурби миёнаи амалиёт бо рубли русӣ каме паст шуда, ба 0,1380-0,1390 сомонӣ баробар шуд ва қурби евро баланд гардида, 6,7460-6,7660 сомониро ташкил намуд. 
     Тибқи маълумоти хадамоти матбуоти Бонки миллии Тоҷикистон, 27 феврал қурби миёнаи доллари ИМА дар нуқтаҳои мубодилаи асъори шаҳрҳои Душанбе ба 4,9620-4,9790 сомонӣ, Хуҷанд ба 4,9700-4,9800 сомонӣ ва Қурғонтеппа ба 4,9600-4,9800 сомонӣ баробар буд.