Ҳамлаи гургон ба одамон дар деҳоти дурдаст

Хоруғ, 3.02.2014. (АМИТ «Ховар», Файз Мирасан).- Сокинони яке аз деҳаҳои дурдасти Бачори ноҳияи Шуғнон аз ҳамлаи ногаҳонии галаи гургон шабу рӯз дар ҳарос мебошанд. Чанд ҳафта пеш гургон танҳо шабона ба чорвои сокинони ҳамла мекарданд, аммо ҳоло рӯзона  дар кӯчаҳои деҳа бо гургон дучор омадан мумкин аст.   Байгмамад Саркориев  , омӯзгори ин деҳа гуфт, ки гургон ҳатто ба чанд нафар аз хонандагон низ ҳамла кардаанд, аммо, хушбахтона, мардуми деҳа зуд огоҳ шуда, онҳоро наҷот доданд. Ба гуфтаи ин манбаъ  дар тӯли ин муддат  беш аз 230 сар  моли майда ва 25 сар чорвои  шохдори калон   талаф ёфтааст. 
      Чорвои хонагӣ як манбаи аслии рӯзгузаронии деҳотиён ба шумор меравад, ки дар зиндагӣ ва рӯзгорашон таъсири молию равонӣ дорад. Солҳои қаблӣ дар деҳоти дурдаст шикорчиён, ки ҳуҷҷати расмӣ доштанд, саршумори гургонро коҳиш медоданд.