Ҷаласаи муштараки намояндагони расмии Тоҷикистону Қирғизистон
Душанбе, 15.02.2014 (АМИТ (Ховар), Фарзонаи Давлат).-Дар шаҳри Бишкеки Ҷумҳурии Қирғизистон ҷаласаи муштараки ҳайати намояндагони расмии Ҷумҳурии Тоҷикистон ва Ҷумҳурии Қирғизистон баргузор шуд.
Дар вохўрӣ ҳайати Тоҷикистон бо роҳбарии муовини Сарвазири мамлакат Муродалӣ Алимардон ва ҳайати Қирғизистон бо роҳбарии ноиби нахуствазир Тоқон Мамитов иштирок намуданд.
Дар даври навбатии музокироти дуҷониба масоили иҷрои амалии мувофиқаҳои зимни мулоқоти 30-31-уми январи соли равон дар шаҳри Бишкек ҳосил гардида, мавриди баррасӣ қарор дода шуданд. Ҷонибҳо аз ҷумла масъалаи истифодаи роҳҳо ва заминҳои минтақаҳои наздимарзӣ ва масоили марбут ба мушкилоти гузаргоҳҳои сарҳадиро мавриди муҳокима қарор доданд.
Дар робита ба дарёфти роҳҳои ҳалли масоили мазкур пешниҳодоти мушахасси ҷониби Тоҷикистон ба ҷониби Қирғизистон манзур гардонида шуданд. Ҷониби Қирғизистон таъкид кард, ки мавқеи хешро нисбат ба масъалаҳои матраҳшуда бо роҳҳои дипломатӣ дар наздиктарин мўҳлат ба ҷониби Тоҷикистон ирсол хоҳад кард.
Ҳардуҷониб ба мувофиқа расиданд, ки даври навбатии вохўрии ҳайатҳои ҳукумати ду давлатро ибтидои моҳи март дар шаҳри Душанбе доир менамоянд.
Дар Душанбе Рӯзи Парчами давлатӣ дар сатҳи баланд таҷлил карда мешавад
Имрӯз дар шаҳри Душанбе ҳаво то 26 дараҷа гарм мешавад
Сарвазири Ҷумҳурии Қазоқистон Олжас Бектенов ба Тоҷикистон ташриф овард
Дар шаҳри Норак ҳашарҳои экологии «Тозагии маҳал» ва «Тозагии шоҳроҳ» гузаронида шуданд
Дар Тоҷикистон ҳаҷми истеҳсоли асал кам шудааст
Дар Душанбе Шурои намояндагии Ташкилоти ҷамъиятии ҷавонон «Созандагони Ватан» таъсис дода шуд
ҚУРБИ АСЪОР: 1 рубли русӣ аз 0.0990 то 0.1100 сомонӣ муқаррар шудааст
Дар шаҳри Гулистон беш аз 50 корхонаи саноатӣ фаъолият менамояд
