Ҷамъомад дар Донишкадаи тарбияи ҷисмонӣ

 
 
Душанбе, 21.02.2014. (АМИТ «Ховар»).- Кормандони Агентии назорати  маводи нашъаовари  назди  Президенти  ҶТ ба  манзури татбиқи «Стратегияи  миллӣ  оид ба   мубориза бо  гардиши ғайриқонунии  маводи  нашъаовар барои солҳои  2013 —  2020»  дар  арафаи  иди  Рӯзи  ташкили Қувваҳои Мусаллаҳи Тоҷикистон бо омӯзгорону донишҷӯёни Донишкадаи  тарбияи  ҷисмонии  ба номи  С.Раҳимов вохӯрданд.
 Назар ба  хабари  маркази  матбуоти  Агентии назорати  маводи нашъаовар,  дар  ҷамъомад, ки дар  он  беш  аз  500  нафар  иштирок доштанд,   кормандони  Агентӣ ба  ҳозиронро бо вазъи  маводи  нашъаовар  дар  Ҷумҳурии  Тоҷикистон  ва минтақаи Осиёи  Марказӣ муаррифӣ  карданд.
 Дар  хотима   роҳбарияти  донишкада аз  намояндагони  Агентӣ  хоҳиш  намуд, ки барои  роҳандозии  мусобиқаҳои  варзишӣ  байни  донишкадаҳои  олии  пойтахт  кӯмак кунанд.