Ахбори олам дар чанд сатр

Душанбе, 25.02.2014. (АМИТ «Ховар»).-Як мошини бомбгузорӣ шуда дар наздикии консулгарии  Ирон дар  Пешовар, шимолу ғарбии Покистон мунфаҷир шуд, ки дар натиҷа ду нафар посбони ин консулгарӣ ҳалок ва чандин нафари дигар захмӣ шуданд.   
 
**************************
Уилям Ҳейг, вазири корҳои хориҷии Британияи Кабир ҳангоми суханронӣ дар назди аъзои  парлумони  кишвараш гуфтааст,  ки ният дорад рӯзҳои наздик аз Украина дидан кунад. 
***************************
Собиқ сарвазири Украина  Юлия Тимошенко   бо даъвати нахуствазири Олмон  барои табобат ба  беморхонаи   Charite-и  Берлин хоҳад рафт. 
***************************
Роналдинё,   собиқ ҳамлагари маъруфи дастаи мунтахаби Бразилия, ки ҳоло 33 сол дорад, гуфтааст, баъди аз майдони футбол рафтанаш даст ба мусиқӣ хоҳад зад.
********************************
 Ба навиштаи сомонаи  рӯзномаи  «Ал- Аҳром»-и Қоҳира  ҳукумати  Миср бо роҳбарии сарвазири ин кишвар Ҳозим Боблавӣ ба истеъфо рафтааст.