Баррасии ҳамкориҳои иқтисодии Тоҷикистону Русия

 Душанбе, 3.02.2014 (НИАТ «Ховар», Кристина Эрлих). —  31-уми январ  раиси Палатаи савдо ва саноати Тоҷикистон Шариф Саид сафири Русия дар Тоҷикистон Игор Лякин-Фроловро ба ҳузур пазируфт.
 
  Тавре ба АМИТ «Ховар» аз ПСС иттилоъ доданд, ҷонибҳо оид ба ҷамъбасти муколамаи «Русия -Тоҷикистон», ки дар доираи ҷаласаи XII Комиссияи байниҳукуматӣ оид ба ҳамкориҳои иқтисодӣ байни Тоҷикистон ва Русия дар шаҳри Душанбе баргузор гардид,  мубодилаи афкор намуданд.
 
 Бино ба суханони Ш.Саид Тоҷикистон барои ҳамкориҳои минбаъда дар соҳаи гидроэнергетика, сохтмони роҳҳо, алоқа, ҳамчунин истихроҷ ва коркарди маъданҳои фоиданок ҳавасманд аст. 
 
  Дар навбати худ И. Лякин-Фролов зикр намуд, ки ҷониби Русия  самтҳои ҳамкориро ба соҳаҳои гидроэнергетика, инфрастрактураи нақлиётӣ, технологияҳои иттилоотию коммуникатсионӣ, биноҳои истиқоматӣ, инчунин маориф афзалиятнок медонад.