Бинои нав дар ШВКД-2 ноҳияи Рӯдакӣ

Душанбе, 26.02.2014. (АМИТ «Ховар», Лутфия Эшонзода).-Бо иштироки вазири корҳои дохилии Ҷумҳурии Тоҷикистон Рамазон Раҳимов ва раиси ҳукумати ноҳияи Рӯдакӣ Саймурод Тағоев дар ШВКД-2 ноҳияи мазкур бинои хушсохти замонавӣ бо таҷҳизоти мусоид барои нозирони минтақавӣ ба истифода дода шуд. 
Тибқи итттилои маркази матбуоти ВКД, дар бинои навбунёд нозирони минтақавии ҷамоатҳои Роҳатӣ, Қиблаӣ ва Гулистони ноҳияи Рӯдакӣ фаъолият намуда, инчунин барои қабули шаҳрвандон низ шароити утоқҳои корӣ мувофиқ аст.
Дар вохӯрӣ вазири корҳои дохилӣ барои кӯмаку ёрии ҳамешагӣ ба раиси ноҳияи Рӯдакӣ изҳори миннатдорӣ намуда, зикр кард, ки барои беҳтар гардидани шароити фаъолияти нозирони минтақавӣ дар дигар гӯшаҳои пойтахт низ саҳми ҳукумати ноҳияи Рӯдакӣ назаррас аст.
Мавриди зикр аст, ки чунин дастгирию ҳамкориҳои ҳукуматҳои маҳаллӣ бо милитсия  рӯз то рӯз тавсеа меёбанд.