Бунёди мактаби нав дар Фурӯзоба

Муъминобод, 07.02.2014. (АМИТ «Ховар».  С. Холов).- Ба  иттилои  мудири  бахши  меъморӣ  ва  шаҳрсозии  мақомоти иҷроияи ҳокимияти  давлатии   ноҳияи  Муъминобод Сафаралӣ  Назаров  дар   ноҳия беморхонаи   марказӣ  барои  210  кат,   бинои  маъмурии  ҳифзи  иҷтимоии аҳолӣ, 3 адад  бунгоҳи  тиббӣ,   корхонаи  мевахушккунӣ  ва дигар   корхонаҳои  хурди  саноатӣ   мавриди   истифода  қарор  дода шуда,  дар айни  ҳол  сохтмони  35  иншооти  дигар   босуръат  идома  дорад.
Бо  сарпарастии  назорати  Хадамоти  техникии ноҳия  сохтмони  мактаб  барои 200 нафар  хонанда  дар деҳаи  Фурӯзобаи  ҷамоати   деҳоти  Боғгайӣ  аз  тарафи  ҶДММ «Хуҷаи нур»  идома  дошта,  он дар   нимаи дуюми соли  2014 – ум  мавриди  истифода  қарор  дода  мешавад. Дар айни  ҳол  80 фоизи  корҳои  сохтмонӣ  ба  итмом   расида,  маблағи  умумии  он  790  ҳазор  сомониро  дар бар  мегирад.