Даргузашти донишманди бузург

Февраль 18, 2014 16:12

Душанбе, 18 феврал. (АМИТ «Ховар», Зарангези Латиф).-Субҳи имрӯз донишманди бузург,  адабиётшинос, шарқшинос, мунаққид, доктори илмҳои филологӣ, профессор Худойназар Асозода дар синни 73 дунёро падруд гуфт.
Бино ба иттилои Мӯсо Асозода, бародари марҳум Худойназар Асозода бар асари гирифтории бемории қалб аз дунё даргузашт. 
Дар маросими видоъ бо Худойназар Асозода олимону донишмандон, наздикон ва шогирдон дар манзили ин адабиётшиноси маъруф гирд омаданд. Адои намози ҷаноза дар масҷиди Сариосиёи пойтахт баргузор гардид. 
Ёдрас мешавем, ки  профессор Худойназар Асозода 25- уми декабри соли 1941 дар деҳаи Момайии ноҳияи Балҷувон ба дунё омада,  Омӯзишгоҳи педагогии шаҳри Кӯлоб ва ДДТ-ро хатм кардааст. Ба ҳайси муаллими мактаби миёна дар ноҳияи  Колхозобод, лаборанти калони кафедраи забонии тоҷикии ДДТ, аспиранти кафедраи адабиёти шӯравии тоҷики ДДТ, тарҷумон дар Афғонистон кор кардааст. Баъди ҳимояи рисолаи номзадӣ фаъолиятро дар донишгоҳи мазкур идома додааст. Докторанти Институти шарқшиносии АИ ИҶШС буд.
Инчунин дар вазифаҳои муовини аввали ректори донишкадаи забонҳои Тоҷикистон (1992-93), мудири кафедраи назария ва адабиёти навини форсии тоҷикии ДДТ (1993-96) , декани факултаи филологияи ДДМТ (1996-99), мудири кафедраи забонҳои Донишкадаи андоз ва ҳуқуқ (1999-2004), ректори ДДОТ (2005-2008)  фаъолият намуда буд.
Солҳои охир Асозода профессори Донишгоҳи Миллии Тоҷикистон буда, дар факултаи забон ва адабиёти тоҷики донишгоҳи мазкур фаъолият мекард.
 

Февраль 18, 2014 16:12

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид