Диққат: Сари чамбарак духтар аст

Февраль 10, 2014 11:30

Хоруғ, 10.02.2014. (АМИТ «Ховар», Файз Мирасан).- Бошгоҳи варзишӣ-техникии Ташкилоти ҷамъиятии мамадгори мудофиаи вилояти Мухтори Кӯҳистони Бадахшон дар тайёр намудани мутахассисон барои Қувваҳои мусаллаҳи кишвар ва хоҷагии халқ саҳми босазо дорад. Дар бошгоҳи варзишӣ-техникии ин ташкилот зиёда аз 210 наврасу ҷавон касбҳои мухталиф меомӯзанд. Дар ташкилоти номбурда маҳфилҳои гуногун, аз қабили тирпарронӣ, шоҳмот, шашка, гурзбардорӣ, дастхобонӣ ва ронандагӣ гузаронида мешаванд. Дар ташкилот ба дарси ронандагӣ диққати ҷиддӣ дода мешавад. Дар ташкилоти мазкур на фақат писарбачаҳо, балки дар ҳар як гурӯҳ 8 нафарӣ духтарон низ касби ронандагӣ меомӯзанд. Омӯзгори пуртаҷрибаи таълими истеҳсолии бошгоҳ Сипинёр Алиёров дар бораи нозукиҳои касби ронандагӣ гуфт: «Ман имрӯз рафтору одоби намунавии ҷавонон, бахусус духтаронро мебинаму бисёр хушҳол мегардам, на танҳо хислати онҳо сазовори тавсиф аст, балки донишу зеҳни онҳо арзандаи таҳсин аст. Солхои пеш аз шиштани зану духтар дар сар рул ҳарос доштем. Ҳоло бараъкс, вақте мошинро зан меронад, хушҳол мешавем. Ба гуфтаи С Алиёров ронанда шахсест, ки бо тақдири худ ва дигар шахсон сарукор дорад. Нафарест, ки вақти зиёди хешро дар роҳ пушти сар менамояд. Пас агар имрӯз хондани ӯ танҳо аз рӯи ҳавову ҳавас бошад, ӯ танҳо барои худнамоӣ пушти чамбарак нишинад, орзуи ӯ орзуи ҳақиқӣ нест.

Февраль 10, 2014 11:30

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид