Донишҷӯёни тоҷик дар Русия ҳам таҳсилу ҳам кор мекунанд

 
Душанбе, 07.02.2014. (АМИТ «Ховар»,  Екатерина  Пасторова).- Донишҷӯёни  хориҷие, ки  дар  Русия  таҳсил менамоянд,  метавонанд  дар  ин  ҷо  расман  кор  кунанд. Роҳбари  намояндагии  Хадамоти  федералии  муҳоҷирати Федератсияи  Русия  дар  Ҷумҳурии  Тоҷикистон  Владислав  Маркевич  дар  ин  бора  хабар  дод.
 
Мувофиқи  суханони  номбурда,  пештар,  дар  сурати  хангоми  таҳсил  дар  ягон  ҷо  кор  кардани  донишҷӯ  маънои   вайрон  кардани  қонунро  дошт. 
 
«Аз  ин  пеш  донишҷӯёни  хориҷӣ  фақат  дар  давраи  таътил ҳуқуқи  кор  карданро  доштанду ҳоло  метавонанд дар  давраи  таҳсил  ҳам  кор  кунанд», — гуфт роҳбари  намояндагии Хадамоти  федералии  муҳоҷирати  Русия дар  Тоҷикистон.