Дурдонаҳои саргаҳи Кофарниҳон

 Ваҳдат, 27.02.2014. (АМИТ «Ховар», Ҳотами Шариф). -Соли сипаригардида  дар шаҳри Ваҳдат бинои боҳашамати «Кохи маърифат» мавриди  баҳрабардорӣ қарор гирифт. Дар бинои мазкур дар баробари китобхона, осорхона, идораи ҳафтаномаи «Шаҳриёр»,  боз шӯъбаи Иттифоқи нависандагони Тоҷикистон дар шаҳри Ваҳдат  ҷойгир буда, сарвари он шоири шинохта Мирзо Файзалист.
Шӯъбаи номабурда дар як муддати кӯтоҳ зиёда аз 10 адад китоби хурду бузургро нашр ва дастраси хонандагон гардонд. Аз ҷумла, китоби «Дурдонаҳои саргаҳи Кофарниҳон», ки он баёзи осори адибони диёри Ваҳдат дар давраи нимаи дуюми асри  ХХ ва аввали асри ХХI -ро дар бар мегирад, нашр шуд. Дар китоб аз эҷодиёти 100 нафар қаламбадастони Ваҳдатзамин намунаҳо  оварда шудаанд. Боиси қайд аст, ки 12  нафар адиби шаҳри Ваҳдат узви Иттифоқи нависандагони Тоҷикистон аст.
Адибони номдори шаҳри Ваҳдат Мирзо Файзалӣ, Абдусаттори Раҳмон, Нуриддини Амриддин, Давлати Раҳмониён, Нурулло Норзода ва дигарон дар рушди адабиёти тоҷик ҳиссагузоранд.