Гурӯҳи ҷиноятпешаи муташаккил барҳам дода шуд

Февраль 10, 2014 10:02

Душанбе, 10.02.2014. (АМИТ «Ховар»).- Кормандони Агентии назорати маводи нашъаовари (АНМН) назди Президенти ҶТ ҳангоми гузаронидани амалиёти махсус  фаъолияти гурӯҳи муташаккили ҷиноиро, ки ба интиқоли маводи нашъаовари синтетикии экстезӣ  ба қаламрави вилояти Суғд ва шаҳри Душанбе машғул буданд, қатъ намуданд.
Тавре ки ба АМИТ «Ховар» аз маркази матбуоти АНМН хабар доданд, дар охири соли гузашта кормандони агентӣ маълумот гирифтанд, ки як гурӯҳ шахсон ба фурӯши ҳабҳои сахттаъсир машғул мебошанд. Қарор карда шуд, ки нисбат ба шахсони номбурда амалҳои фаврӣ-ҷустуҷӯӣ бурда шаванд.
Пас аз гузаронидани чорабиниҳои мазкур аз тарафи кормандони агентӣ чор нафар шаҳрванди Тоҷикистон боздошт ва ҳабс шуданд, ки аз онҳо 1 ҳазору 106 дона ҳаби экстезӣ бо вазни умумии 260 грамм мусодира гардид.
Зимни тафтишоти пешакӣ муайян гардид, ки ҳамаи боздоштшудагон аъзои гурӯҳи муташаккили ҷиноятпеша мебошанд, ки бо интиқоли маводи дорувории манъшуда ба Ҷумҳурии Тоҷикистон машғул буданд. Мутобиқи итттилооти пешакӣ, гурӯҳи ҷиноятпешаи мазкур ҳабҳои манъшударо аз қаламрави яке аз кишварҳои Аврупо харид намуда, бо роҳи қочоқ ба шаҳри Хуҷанд интиқол медодаанд.
Пас аз он дар ҷои истироҳати оммавии ҷавонон бо нархи аз 20 то 30 доллари ИМА ба фурӯш мебароварданд.  Аз рӯи ҳодисаи мазкур парвандаи ҷиноӣ аз рӯи қисми 4 моддаи 200 Кодекси ҷиноии ҶТ (муомилоти ғайриқонунии маводи нашъаовар, воситаҳои психотропӣ ва прекурсорҳо) оғоз карда шуд. Иштирокчиёни дигари гурӯҳи ҷиноятӣ муайян шуда истодаанд. Боздоштшудагон дар тавқифгоҳии муваққати нигоҳдорӣ ҷойгир шудаанд.  
 
 
 

Февраль 10, 2014 10:02

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид