«Истиқлол» -барандаи Ҷоми «Баҳористон»

Душанбе, 19.02.2014 (АМИТ «Ховар», Ситораи Боймурод).-Дастаи «Истиқлол»-и Душанбе бо гирифтани 15 имтиёз аз панҷ дидор барандаи Ҷоми «Баҳористон» гардид.
Тавре ки дар ин бора сомонаи Федератсияи футболи кишвар хабар дод, Ҷоми осоишгоҳи «Баҳористон», ки то 23-уми феврал идома мекунад, дастаи «Истиқлол” дар ҳамаи дидораш ба дастаҳои «Хайр» бо ҳисоби 3-0, «Далерон-Ӯротеппа» бо ҳисоби 4-1, ҳайати дувуми дастаҳои қазоқ «Оқтеппа» бо ҳисоби 6-1, «Қизилҷар» бо ҳисоби 2-1ва “Жетису” бо ҳисоби 6-2 ғалаба кард ва бо гирифтани 15 имтиёз мақоми аввалро соҳиб шуд ва новобаста аз бозиҳои боқимондаи мусобиқа соҳиби Ҷоми осоишгоҳи «Баҳористон» гардид.
Гуфта мешавад, ки мусобиқаи мазкур дар шаҳри Қайроққуми вилояти Суғд ҷараён дошта, дар он бошгоҳҳои футболи Тоҷикистону Қазоқистон, ки дар Қайроққум ба мавсими нави футбол омодагӣ мебинанд, иштирок мекунанд. 
 Дар ин вохӯриҳо дастаи “Хайр”-и Ваҳдат бар ҳайати дуюми «Жетису»-и Талдиқӯрғон бо ҳисоби 4-0 ғолиб омада, бо 10 имтиёз ҷои дувумро соҳиб шуд. 
 Ёдрас мешавем, ки дар ин мусобиқа аз Тоҷикистон се дастаи лигаи олӣ — «Истиқлол»-и Душанбе, «Хайр»-и Ваҳдат , «Далерон-Ӯротеппа»-и Истаравшан ва се клуб аз Қазоқистон — «Жетису»-и Талдиқӯрғон, «Оқтеппа»-и Оқтеппа ва «Қизилҷар»-и Петропавловск иштирок мекунад.