Истифодаи самараноки об дар биноҳои истиқоматӣ

Душанбе, 25.02.2014 (АМИТ «Ховар», Фарзонаи Давлат).- «Сарфаҷӯӣ ва истифодаи самараноки  оби ошомиданӣ дар биноҳои истиқоматии серошёна»- таҳти чунин унвон имрӯз дар меҳмонхонаи «Тоҷикистон» семинар-омӯзиш доир гардид.
Дар семинари мазкур бахшҳои хусусӣ, сокинони манзилҳои истиқоматӣ, намояндагони ШСХК «Барқи тоҷик» ва хоҷагиҳои манзилию коммуналӣ  иштирок дошта, оид ба ҳал ва бартараф кардани мушкилоти ҷойдошта  сухан гуфтанд.
Семинар-омӯзиш дар ду қисмат идома кард. Даври аввал баррасии низоъҳо ва роҳҳои ҳалли онҳоро дар гирифта, коршиносони соҳа пешниҳодҳои худро оид ба ҳалли мушкилот иброз доштанд. Дар даври дуюми семинар-омӯзиш, ки корҳои фаҳмондадиҳӣ барои иштирокчиён ва ВАО-ро дар бар мегирифт, иштирокчиён сертификати Вазорати энергетика ва захираҳои оби кишварро дастрас карданд.