Коргардони Русия ба Душанбе меояд

Душанбе, 21.02.2014. (АМИТ «Ховар», Анна  Мошенко).- Коргардони  Театри  академии драмаи ба  номи Н.Охлопкови  шаҳри  Иркутск  Надежда  Славная  барои  рӯи  саҳна овардани   намоишномаи «Ҳикояҳои пешинаи  Антоша Чехонте» аз  рӯи  асарҳои  Антон  Чехов  ба  шаҳри  Душанбе  меояд. 
 
Мувофиқи  суханони  директори Театри  драмаваи русии ба  номи Маяковский  Сӯҳроб  Мирзоев,  Надежда  Славная, ки  20  март вориди шаҳри Душанбе мешавад,  намоишномаи  зикршударо  аз  рӯи  барномаи  Иттифоқи  ходимони  театрии Федератсияи  Русия  рӯи  саҳна  меорад. 
 
«Барномаи  мазкур  имкон  медиҳад, ки коргардонҳои  ҷавон  маҳорати  худро  такмил  диҳанд. Барои  ин  озмун  доир  карда шуд, ки дар  он  26  нафар  иштирок доштанд. Театри  мо  дар  ин  озмун   мавзӯи  классикаи  русро  интихоб  карда буд. Дар натиҷаи  озмун  қарор  дода шуд, ки   Надежда  Славная  барои рӯи  саҳна  овардани  асари  классикӣ  ба  шаҳри  Душанбе ояд», —  гуфт  Сӯҳроб  Мирзоев.