Мониторингҳои зиддисилӣ дар Фархор

Фархор, 07.02.2014. (АМИТ «Ховар», Холов С.).-  Дар  ноҳияи Фархор  дар  соли  2013 – ум  121   нафар   бемори   сил  ба қайд   гирифта  шудааст. Аз  шумораи  умумии   беморон 43  нафар    муҳоҷири  меҳнатӣ  буда,  12   нафари дигар   кӯдакони  аз 5 то 14-  сола  мебошанд. Сабабҳои   асосии  гирифторӣ ба ин  беморӣ аз  як  тараф  агар  муҳоҷирони  меҳнатӣ ба  шумор  раванд, аз тарафи  дигар  сатҳи  пасти зиндагии   онҳо  мебошад. 
Дар айни  ҳол  ҳамаи  беморони   ба  қайд   гирифташуда ба таври  ройгон  бо доруворӣ таъмин  шуда, зимни табобат  беморон аз ҷониби  Бунёди   озуқаи  умумиҷаҳонӣ  3  маротиба  кумаки   ғизоӣ мегиранд.  Гуфта  мешавад, ки дар ҳар  семоҳа  аз ҷониби  ташкилотҳои байналхалқӣ  ва аудиторони  Бунёди  Глобалӣ дар  маркази  зидди  бемориҳои   сили   ноҳия мониторинг ва санҷишҳо гузаронида мешаванд.