Мошиндузди ноболиғ дастгир шуд

Душанбе, 28.02.2014. (АМИТ «Ховар», Муқаддас Темурзода).-Тибқи иттилои маркази матбуоти Вазорати корҳои дохилии Ҷумҳурии Тоҷикистон, ба шуъбаи ВКД дар шаҳри Хуҷанд, шаҳрванд Орифхуҷа Гадохуҷаев, соли таваллудаш 1985, сокини ҳамин шаҳр муроҷиат намудааст, ки санаи 23-юми феврали соли ҷорӣ шахси номаълум бо тариқи пинҳонӣ аз назди истгоҳ, воқеъ дар кӯчаи Ленини шаҳри Хуҷанд мошини шахсиаш- тамғаи «ВАЗ-2105», рақами давлатиаш АУ 33-32 02 РТ-ро дуздида, аз ҷойи ҳодиса ғайб задааст. 
   Зимни гузаронидани чораҳои фаврӣ-ҷустуҷӯӣ кормандони милитсия, ноболиғ Абдураҳмон Маҳмудовро, ки соли таваллудаш 1998 буда, сокини шаҳри Исфара мебошад, бо гумони дуздии моликияти шахсӣ дастгир намуда, аз ӯ  далели шайъӣ гирифта шуд.
Бояд зикр намуд, ки нисбат ба ҳодисаи мазкур парвандаи ҷиноӣ оғоз гардида, тафтиш идома дорад.