Муколама аз рӯи ҳуқуқҳои инсон

 
Душанбе, 14.02.2014. (АМИТ «Ховар»).- Чанде  пеш  дар  шаҳри  Душанбе даври  панҷуми Муколама  оид ба  ҳуқуқҳои  инсони  байни Тоҷикистон  ва  Швейтсария  баргузор  гардид.  Мақсад  аз  доир  намудани  муколамаи  ҳарсола  ҷамъбасти  натиҷаи  фаъолият  тайи  соли  гузашта  аз  нигоҳи  иҷрои ӯҳдадориҳо  дар  мавриди   ҳифзи  ҳуқуқҳои  инсон  аст.
 
Тавре  ки  аз  Вазорати  корҳои  хориҷии  ҶТ   хабар  доданд, роҳбарии  ҳайати  Тоҷикистонро  дар  ин  чорабинӣ  сардори шуъбаи   кафолатҳои  ҳуқуқҳои  инсони   Дастгоҳи  иҷроияи  Президенти  ҶТ  Музаффар  Ашӯров  ва  ҳайати  Швейтсарияро   сафир,  намояндаи  махсус  оид  ба  ҳуқуқҳои  инсони  Вазорати  федералии  корҳои  хориҷии  Швейтсария  Паул  Коллер  ба  ӯҳда  доштанд.
 
Дар  ҷараёни  муколама  масоили  таҳия  ва  омӯзиши хулосаи  Шӯрои  оид ба   ҳуқуқҳои  инсон  ва  хушунат   дар  оила,  муҳоҷират,  муборизаи  зидди азияту  шиканҷа,  ҳукми  қатл,  ҳамчунин  масоили   манзил   мавриди  муҳокима  қарор  гирифтанд. Муколамаи  навбатӣ  оид ба  ҳуқуқҳои  инсон  соли  2015   дар  Швейтсария  баргузор  мешавад.