Низоми мазмуни таҳсилот: воқеият ва дурнамо

Душанбе, 27.02.2014. (АМИТ “Ховар”, Раъно Нусратуллоева).- “Низоми мазмуни таҳсилот: воқеият ва дурнамо” чунин унвон дорад, китоби навбатии мудири кафедраи педагогика ва психологияи фаъолияти касбии Донишгоҳи давлатии Хуҷанд ба номи академик Бобоҷон  Ғафуров, дотсент Хайрулло Сабуров, ки аз тариқи нашриёти  “Меъроҷ” ба нашр расид.
Тавре ки  ба АМИТ “Ховар” сардори Маркази иттилоот ва таҳлили Раёсати донишгоҳ Маъмури Юсуфзод иттилоъ дод, дар монография   яке аз муҳимтарин бахшҳои тадқиқоти эҳёи суннатҳои хоси маорифи миллӣ дар низоми таҳсилоти муосир сухан меравад. Боиси тазаккур аст, ки қисме аз дидгоҳҳо ва назарияҳои маъруф  ва омилҳои ташаккули ин самти муҳими тадқиқоти педагогӣ дар рисола ба таври амиқ мавриди баррасӣ қарор гирифтанд. 
Китоби мазкур барои пажӯҳишгарон, аспирантону унвонҷӯён, омӯзгорони синфҳои ибтидоӣ, донишҷӯён ва ҳаводорони илми педагогика ба унвони ёвару раҳнамое дар амри иҷрои вазифаҳои муҳими мактабу маориф, баланд бардоштани сифати таҳси¬лоти ибтидоӣ чун зербинои асосии низоми таҳсилоти куллӣ ва муҳимтар аз ҳама тарбияи инсони аз дидгоҳи маънавӣ ва ақлонӣ рушдёбанда хидмат карда метавонад.