Сафари кори М. Ҷабборӣ ба ноҳияи Варзоб
Душанбе, 21.04.2014. (АМИТ «Ховар»). — Имрӯз муовини Сарвазири мамлакат Марҳабо Ҷабборӣ бо мақсади аз наздик шинос шудан бо вазъии иҷтимоии аҳолии ноҳияи Варзоб ба ин ноҳия ташриф овард. Нахуст Марҳабо Ҷабборӣ аз Муассисаи давлатии Маркази миллии тавонбахшӣ барои кӯдакон ва наврасони «Чорбоғ»-и ноҳияи Варзоб дидан намуд. Дар Муассисаи мазкур се шуъба барои «Муолиҷаи кӯдакони гирифтори бемориҳои узвҳои такяву ҳаракат», «Фалаҷи кӯдакони майнаи сар бо нимфалаҷ» ва шуъбаи «Тавонбахшии доимамалкунанда барои 30 нафар кӯдакони маъюби зеҳнию ҷисмонӣ бо яке аз волидайнашон» фаъолият мекунад. Муовини Сарвазири мамлакат ба масъулону мураббиёни Муассиса ҷиҳати боз ҳам пурзӯр намудани назорат ва хизматрасонӣ ба кӯдакону наврасон маслиҳатҳои муфид дод. Дар ҳудуди ҷамоати деҳоти Чорбоғ бо намояндагони занону ҷавонон ва иттиҳодияҳои динӣ оид ба рафъи мушкилоти ҷойдошта дар ҷомеа сӯҳбати озоду созанда ҷараён гирифт. . Инчунин муовини Сарвазири Ҷумҳурии Тоҷикистон Марҳабо Ҷабборӣ аз Кӯдакистони №1, муассисаҳои таълимии №6, 40, гимназияи №1 ва Маркази саломатӣ дидан намуда, барои ислоҳи камбудиҳои ҷойдошта тавсияву дастурҳо дод. Ҳангоми вохӯрӣ бо фаъолони ноҳияи Варзоб муовини Сарвазири Ҷумҳурии Тоҷикистон Марҳабо Ҷабборӣ ҷиҳати рушди соҳаи туризм, вазъи бунгоҳҳои тиббӣ, таълиму тарбияи ҷавонон, даъват ба сафи Қувваҳои мусаллаҳ, муҳоҷирати меҳнатӣ, омӯзиши забони хориҷӣ сӯҳбат намуда, ҳозиринро барои риояи қонунҳо «Дар бораи танзими анъана ва ҷашну маросимҳо дар Ҷумҳурии Тоҷикистон», «Дар бораи масъулияти падару модар дар таълиму тарбияи фарзанд» даъат намуд. Дар ин сафари якрӯза муовини Сарвазири мамлакатро мудири шуъбаи дин, танзими анъана ва ҷашну маросимҳои Дастгоҳи иҷроияи Президенти Ҷумҳурии Тоҷикистон Одинашоҳ Вализода ҳамроҳӣ кард.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






