Такмили низоми бонкӣ дар Шӯрообод

Шӯрообод, 19.02.2014. (АМИТ «Ховар», Сулаймони Хол).- Ба иттилои директори филиали ҶСК «Тоҷиксодиротбонк»-и ноҳияи Шӯрообод Қиматшо Содиқов  шуъбаи кор бо кортҳои пластикии филиали мазкур  оид ба такмили  низоми идораи  молиявӣ, ҷорӣ намудани технологияи муосир  дар ин самт  ва пешгирии  ҳолатҳои коррупсионӣ, гузариш  ва ҳисоббаробаркунии ғайринақдӣ, хусусан ҷорӣ намудани кортҳои пардохтӣ  дар ноҳия  корҳои назаррасро анҷом дод.  Дар ин давра  ба филиал як банкомат ва   2 посттерминал  ворид шуда,    ба аҳолӣ хизмат мерасонад. Тачҳизоти мазкур  то имрӯз  ба шаш ташкилоту муассиса, аз ҷумла   ба раёсати молия, шуъбаи маориф, шуғли аҳолӣ, идораи коммуналӣ, мактабҳои таҳсилоти умумӣ, кӯдакистон, Хадамоти оташнишонӣ  ва дигар сохторҳои буҷавӣ шартнома дорад, ки шумораи онҳо 440 нафарро дар бар мегирад.