Танзими раванди муҳоҷират

Душанбе, 28.02.2014. (АМИТ «Ховар», Лайло Тоирӣ).- 27 феврали соли 2014 вазири меҳнат, муҳоҷират ва шуғли аҳолии Ҷумҳурии Тоҷикистон  Cумангул  Тағоева Сафири Фавқулода ва Мухтори Ҷумҳурии Мардумии Чин дар Ҷумҳурии Тоҷикистон Фан Сянжунро ба ҳузур пазируфт.
Зимни мулоқот тарафҳо бештар ба масъалаҳои ҳамкории муштарак дар самтҳои марбут ба фаъолияти вазорат, танзими раванди муҳоҷират ва риояи ҷалби қувваи корӣ (аз тариқи квота) аз Ҷумҳурии Мардумии Чин ба Ҷумҳурии Тоҷикистон таваҷҷуҳ зоҳир намуданд.
Тавре ки аз Вазорати меҳнат, муҳоҷират ва шуғли аҳолии ҶТ хабар доданд, инчунин С. Тағоева барои густариши ҳамкориҳои минбаъда дар самтҳои муносибатҳои меҳнатӣ, муҳоҷират,  касбомўзӣ ва дастгирии муассисаҳои таълимии ибтидоии касбӣ таклифу пешниҳодҳоро баён намуд, ки аз ҷониби сафир маъқул дониста шуданд.