Тоҷикистон вазъи сармоягузориро беҳ месозад

 
Душанбе, 13.02.2014. (АМИТ «Ховар»).- Мақсади  асосии  кӯмаки   нави техникии  Бонки  рушди  Осиё  ва Ҳукумати  Ҷопон иборат  аз  беҳдошти  вазъи   сармоягузорӣ  дар  Тоҷикистон,  дастгирии  дастраси  корхонаҳо  гардонидани  донишҳо  ва  ҷалби  сармоягузорони  хориҷӣ  ба  кишвар  аст.
 
Тавре  ки   аз  намояндагии  Бонки  рушди  Осиё  дар  ҶТ хабар  доданд,  Бунёди  оид ба  коҳиш  додани  камбизоатии  Ҷопон  барои  татбиқи   лоиҳаи   ислоҳоти  вазъи  сармоягузорӣ, ки  бояд  то  соли  2016  амалӣ  гардад,  ба таври ройгон  1  миллион  доллар  ҷудо  мекунад.
 
«Ба пиндошти мо ин лоиҳа имкониятҳои соҳибкорону   сармоягузорони шахсиро, ки  хоҳиши  дар  Тоҷикистон  фаъолият   карданро  доранд, зиёд  намуда,   ба  онҳо  имкон  медиҳад, ки бо арзиши   баландтар бештар  маҳсулот бароранд ва  хидмат  расонанд», — гуфт  мутахассиси   бахши  молияи Раёсати Бонки  рушди  Осиё  дар  Осиёи  Марказию  Ғарбӣ  Рубен Баррето.
 
Лоиҳаи  мазкур  ба Ҳукумати  ҷумҳурӣ имкон  медиҳад, ки  ислоҳоти коҳиш  додани хавфу  хатари  сармоягузорон,   афзун  намудани   корхонаҳои  истеҳсолӣ  ва  ҷалби  сармояҳоро  роҳандозӣ  намояд. 
 
Барои  таълими   занони  соҳибкори  тамоми  кишвар  маркази   озмоишӣ  таъсис  дода,  байни  онҳо   аз  рӯи   рушди  тиҷорат   озмоишҳо  ташкил  карда  мешаванд.
 
Дастгоҳи  иҷроияи  Президент Агентии  иҷроия  аз рӯи  лоиҳаи  мазкур  ба  шумор  меравад.