Уфуқи нави ҳамкорӣ бо Русия

 Душанбе, 27.02.2014. (АМИТ «Ховар», Лайло Тоирӣ).- Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар асоси муроҷиати ширкати сохтмонӣ ва сармоягузории “Торговый Дом Сигма”- и шаҳри Санкт — Петербурги Федератсияи Русия аз 15 январи   2014  ҳамкориҳо дар самти муҳоҷирати меҳнатиро мариди омӯзиш қарор дод.
Субъектҳои хоҷагидорӣ ин масъаларо мавриди таҳлил қарор дода, ширкатҳои Корхонаи воҳиди давлатии  “Биржаи меҳнатии ҷавонон”, Ҷамъиятҳои дорои масъулияти маҳдуди“Муҳоҷир”, “Бунёд-2013”, “Антарес” ва “Олами саёҳат” розигии худро оид ба бастани шартномаҳои ҳамкорӣ доданд.
Тавре ки аз шӯъбаи робита бо ҷомеаи Хадамоти муҳоҷират хабар доданд, ҷиҳати бастани шартномаҳои дуҷониба байни ширкатҳои мазкур ва  ширкати сохтмонӣ ва сармоягузории “Торговый Дом Сигма”- и Санкт — Петербург корҳои омодагӣ идома доранд. Дар ҳолати бастани шартномаҳои дуҷониба муҳоҷирони меҳнатӣ расман дар ин ширкат бо ҷойи кор таъмин хоҳанд шуд.
ҶДММ “Муҳоҷир” ба интиқоли муҳоҷирони меҳнатӣ ба хориҷи кишвар машғул буда, соли ҷорӣ барои таъмини 200 нафар бо корҳои мавсимӣ байни савхози “Карповский”-и ноҳияи Городишенскии вилояти Волгогради Федератсияи Русия шартномаи ҳамкорӣ ҷиҳати таъминот бо кор баста шуд.