«Қонун дар бораи нафт ва газ» қабул мегардад

 
Душанбе, 03.03.2014.(АМИТ «Ховар», Марзия Саидзода).- Интизор меравад, ки дар ояндаи наздик палатаи поёнии Парлумони Тоҷикистон қонуни нав «Дар бораи нафт ва газ»-ро қабул намояд. Масъалаи мазкур дар ҷаласаи Шӯрои палатаи поёнии  Парлумони  мамлакат, ки 3 март таҳти раёсати Шукурҷон Зуҳуров -раиси Маҷлиси намояндагон баргузор гардид, баррасӣ шуд. 
             Ҳадаф аз таҳияи лоиҳаи қонуни мазкур бартарафсозии мушкилоти молиявию иқтисодӣ ва истифодаи самараноки захираҳои нафту газ дар қаламрави кишар  мебошад. 
       Дар ҷаласа ҳамзамон лоиҳаи Қонуни Ҷумҳурии Тоҷикистон «Дар бораи ҳимоя ва дастгирии соҳибкорӣ»,  «Дар бораи муқовимат ба савдои одамон» ва «Дар бораи расонидани кӯмак ба қурбониёни савдои одамон», инчунин  «Оид ба ворид намудани тағйиру иловаҳо ба  Қонуни Ҷумҳурии Тоҷикистон  «Дар бораи матбуоти даврӣ ва дигар воситаҳои ахбори омма» баррасӣ гардиданд.