Қурби асъори хориҷӣ баланд шуд

Душанбе, 24.03.2014. (АМИТ «Ховар», Лайло Тоирӣ).- Ҳафтаи гузашта қурби доллари ИМА дар нуқтаҳои мубодилаи асъори ҷумҳурӣ каме баланд шуда, ба ҳисоби миёна ба 4,9730-4,9910 сомониро ташкил намуд. Дар ин давра қурбҳои миёнаи амалиёт бо рубли русӣ ва евро низ каме баланд ва 0,1350-0,1360 сомонӣ ба як рубли русӣ ва 6,7858-6,8085 сомонӣ ба як евро баробар шуд. Тавре ки аз Бонки миллии Тоҷикистон хабар доданд, 20 март қурби миёнаи доллари ИМА дар нуқтаҳои мубодилаи асъори шаҳрҳои Душанбе 4,9780-4,9990 сомонӣ, Хуҷанд 4,9750-4,9850 сомонӣ ва Қурғонтеппа 4,9800-5,0000 сомониро ташкил дод.