Ҳиммати соҳибкорон
Ҷиргатол, 12.03.2014. (АМИТ «Ховар», Зебо Давлатзода).- Ба гуфти мудири маорифи ноҳияи Ҷиргатол Пирмаҳмад Абдусатторов соли ҷорӣ дар ҷамоатҳои деҳоти Пилдон, Сартало ва Муксу се мактаби ибтидоӣ ва ду муассисаи томактабӣ ба истифода дода шуд. Дар арафаи иди Наврӯз дар ҷамоатҳои деҳоти Янгишаҳр, Ҷиргатол ва Кашод чор мактаби ибтидоӣ аз ҷониби соҳибкорон ба истифода дода мешавад.
Инчунин бо дастгирии соҳибкорон ва ҳашарчиёни ҷамоатҳои мазкур баъди иди Наврӯз боз 30 синфхонаи иловагӣ сохта мешавад,-гуфт Пирмаҳмад Абдусатторов.