Ҷаласаи коршиносони СҲШ дар мавриди ҳамкорӣ дар бахши сайёҳӣ

Душанбе, 19.03.2014. (АМИТ «Ховар»).-  13  ва  14  марти  соли  ҷорӣ  дар   шаҳри  Пекин  таҳти  раёсати  ҷониби  Тоҷикистон  мулоқоти   коршиносони  давлатҳои аъзои  СҲШ  баргузор  гардид.
 
Тавре  ки  сомонаи   расмии  Ҳукумати  Тоҷикистон  хабар  медиҳад, дар  ҷаласа  масоили  ҳамкории  минбаъдаи   маъмуриятҳои  миллии  сайёҳии  давлатҳои аъзои  СҲШ дар  мавзӯъҳои  ҳамкорӣ  дар  бахши  сайёҳӣ баррасӣ  шуданд. 
 
Ҳамчунин  аз 11  то 13 марти  соли  ҷорӣ  дар  шаҳри  Пекин   ҷаласаи Гурӯҳи  кории коршиносони  давлатҳои аъзои  СҲШ  баргузор  гардида, дар  ҷараёни  он  коршиносон   перомуни  масъалаи  такмили  заминаи  шартномавию ҳуқуқӣ  ва  механизми  афзун  намудани  аъзои  созмони  мазкурро   мавриди баррасӣ  қарор  доданд.