Ҷаласаи Кумитаи тадорукоти ITF

Март 5, 2014 18:57

Душанбе, 5.03.2014. (АМИТ «Ховар»). — Имрӯз ҷаласаи Кумитаи тадорукоти ташкил ва баргузор намудани Чемпионати ҷаҳон байни наврасон оид ба таэквондо (ITF) доир гардид. Раиси Кумитаи тадорукот, муовини Сарвазири Ҷумҳурии Тоҷикистон М. Ҷабборӣ иброз дошт, ки дар мувофиқа бо Федератсияи байналмилалии таэквондо санаи баргузории чорабинӣ тағйир дода ва рўзҳои 2-11 августи соли 2014 дар назар дошта шудааст. Бояд зикр кард, ки чунин чорабинии сатҳи ҷаҳонӣ бори нахуст дар Тоҷикистон доир шуда, аз таваҷҷӯҳи хоси Сарвари давлат нисбат ба соҳаи варзиш гувоҳӣ медиҳад. Бо қаноатмандӣ метавон гуфт, ки дар заминаи таваҷҷуҳ ва дастгириҳои Президенти кишвар дар давоми се соли охир дар қаламрави мамлакат беш аз 2 ҳазору 500 иншооти варзишӣ бунёд ва мавриди баҳрабардорӣ қарор ва боиси рушди намудҳои гуногуни варзиш гардид. Дар Чемпионати ҷаҳон байни наврасон оид таэквондо дар шаҳри Душанбе беш аз 600 нафар аз 50 кишвари дунё иштирок хоҳанд кард, ки албатта ин ба нуфузи байналмилалии Тоҷикистон дар арсаи ҷаҳонӣ таъсиргузор хоҳад буд.Дар чаласа  ҳамчунин  ҳисоботи роҳбарони вазорату идорањо ва ташкилоту муассисањои дахлдор оид ба рафти иҷрои Нақшаи чорабиниҳои ташкил ва баргузор намудани Чемпионати ҷаҳон байни наврасон оид таэквондо ва дигар самтҳои марбут ба он баррасӣ гардид. Дар фарҷоми ҷаласа М. Ҷабборӣ масъулини соҳаро барои омодагӣ ва ташкили сатҳи баланди баргузории чорабинии мазкур таъкид намуда, доир ба татбиқи саривақтӣ ва босифати Нақшаи чорабиниҳои ташкил ва баргузор намудани Чемпионати ҷаҳон байни наврасон оид таэквондо супоришҳои мушаххас дод.

Март 5, 2014 18:57

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид