Ҷалби бештари сармояи Русия ба иқтисоди Тоҷикистон
Душанбе, 13.03.2014.(АМИТ «Ховар», Марзия Саидзода).- Дар ҷараёни сафари расмии Валентина Матвиенко -раиси Шӯрои Федератсияи Маҷлиси Федералии Федератсияи Русия ба Ҷумҳурии Тоҷикистон шоми 12 март дар бӯстонсарои Ҳукумати Ҷумҳурии Тоҷикистон ҷаласаи ҳайати Комиссияи Тоҷикистону Русия оид ба ҳамкории Шӯрои Федератсияи Маҷлиси Федералии Федератсияи Русия ва Маҷлиси миллии Маҷлиси Олии Ҷумҳурии Тоҷикистон баргузор гардид. Дар кори ҷаласа раисони палатаи болоии парлумонҳои Тоҷикистону Русия -Маҳмадсаид Убайдуллоев ва Валентина Матвиенко иштирок намуданд.
Дар ҷаласаи ҳайати Комиссияи Тоҷикистону Русия оид ба ҳамкории Шӯрои Федератсияи Маҷлиси Федералии Федератсияи Русия ва Маҷлиси миллии Маҷлиси Олии Ҷумҳурии Тоҷикистон масоили марбут ба таҳкими ҳамкориҳои байнипарлумонии Тоҷикистону Русия баррасӣ гардиданд.
Валентина Матвиенко таъкид кард, ки алҳол дар Тоҷикистон намояндагиҳои ширкату корхонаҳои гуногуни Русия фаъолият доранд ва барои тавсеаи фаъолияти минбаъдаи онҳо, инчунин ҷалби сармояи кишвараш ба иқтисодиёти Тоҷикистон тадбирҳои мушаххас андешида мешаванд.
Дар ҷаласа ҳамзамон доир ба масоили тавсеаи ҳамкориҳои ду кишвар дар бахшҳои иқтисоду савдо, энергетика, тандурустӣ, меҳнат ва илму маориф табодули назар карда шуд. Зикр гардид, ки дар ояндаи наздик Форуми навбатии Комиссияи ҳамкориҳои байнипарлумонии Тоҷикистону Русия доир мегардад, ки дар он муҳимтарин масоили марбут ба рушди соҳаҳои гуногуни ҳамкорӣ таҳлилу баррасӣ хоҳанд шуд.
Имрӯз дар шаҳри Душанбе ҳаво то 35 дараҷа гарм мешавад
ВАҲДАТИ МО КОХИ ПИРӮЗИИ МОСТ! Мулоҳизаҳои Шоири халқии Тоҷикистон Камол Насрулло
Ҳар як шаҳрванд бояд дарк намояд, ки мубориза бо коррупсия танҳо вазифаи мақомоти ҳифзи ҳуқуқ нест
Дар Бохтар бахшида ба қабули Даҳсолаи байналмилалӣ оид ба таҳкими сулҳ аксияи ҳизбии «Тақдими варақаҳои иттилоотӣ ба сокинон» баргузор шуд
Имрӯз дар шаҳри Душанбе ҳаво то 38 дараҷа гарм мешавад
Дар Варзоб Конфренсияи илмӣ-амалии «Ваҳдати миллӣ – шукуфоии Ватан мебошад» баргузор шуд
Дар дастгоҳи Ваколатдор оид ба ҳуқуқи инсон бахшида ба Рӯзи Ваҳдати миллӣ ҳамоиш баргузор гардид
Суратгузориш аз ҷараёни баргузории Намоиш-фурӯши маҳсулоти кишоварзии вилояти Хатлон дар Қазоқистон
Дар Вазорати энергетика ва захираҳои об қабули Даҳсолаи байналмилалӣ оид ба таҳкими сулҳро дастоварди навбатии Тоҷикистон арзёбӣ намуданд
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОГОҲӢ! Аз 27 то 30 июн дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Дар КВД «Роҳи оҳани Тоҷикистон» ба муносибати Рӯзи Ваҳдати миллӣ ва қабули ташаббуси нави ҷаҳонии Тоҷикистон ҳамоиш доир гардид
