Ақл, ирода, нанг, номус сухан мегӯянд

  Душанбе, 13.03.2014. (АМИТ «Ховар», Мавҷуда Анварӣ). -18 марти соли ҷорӣ  ҳунармандони Театри давлатии академии  ба номи  Лоҳутӣ намоишномаи ҷолибу диданиеро бо номи «Аз мост, ки бар мост» манзури ҳаводорони театр менамоянд. Дар намоишнома нашъамандиву шаробхорагӣ, мардумфиребиву ВНМО (СПИД) ҳамчун зуҳуроти номатлуби ҷомеа зери тозиёнаи танқид гирифта шудаанд. Як ҷиҳати махсуси намоишнома он аст, ки дар баробари нақшҳои айнии одам ва ҷавон, нақшҳои зеҳние, чун ақл, ирода, нанг, номус, шароб, сигор, СПИД ва нашъа низ рӯи саҳна амал мекунанду сухан мегӯянд.
Арбоби шоистаи санъати кишвар Абдулҳафиз Кодирӣ-коргардон ва ҳунармандони ҷавону хушсалиқа С. Шукуров, У. Бобомуродов, Н. Асадуллоев, Т. Салимова, А. Машрабов, Б. Ғуломҳайдаров ва дигарон офарандагони нақшҳои асосии намоишномаанд.  
Нахустнамоиши «Аз мост, ки бар мост» 4-уми март пешкаши тамошобинон гардид. 
Дар ин бора аз Театри давлатии академии ба номи Лоҳутӣ ба АМИТ «Ховар» хабар доданд.