Бо чилчилаҳо расид Наврӯз
Душанбе, 18.03.2014. (АМИТ «Ховар», Мавҷуда Анварӣ ).- Дар рӯзҳои иди Наврӯз дар Тоҷикистон ҳаво абролуд шуда, дар водиҳо борон борида, дар кӯҳсор барф меборад. Шамол пагоҳирӯзӣ дар як сония 2 — 7 метр ва рӯзона 0 — 1 метр мевазад. Пагоҳ, 19 март дар шаҳри Душанбе ҳарорати ҳаво рӯзона 13-18 дараҷа гарм ва шабона 3-5 дараҷа гарм мешавад.Харорати ҳаво рӯзона дар вилояти Хатлон 18+23 дараҷа, дар вилояти Суғд 15+20 , дар ноҳияҳои тобеи марказ 14+19 дараҷа ва дар шаҳри Душанбе 16+18 дараҷа гарм мешавад.Тавре ки аз Хадамоти ҳавосанҷии Тоҷикистон ба АМИТ «Ховар» хабар доданд, аз 20-то 23 март вазъи ҳаво тағйир ёфта, борони дарозмуддат меборад.