Боздиди В.Матвиенко аз ДСРТ

Душанбе, 14.03.2014. (АМИТ «Ховар», Анна  Мошенко).- 13 март маросими  вохӯрии профессорону  омӯзгорон  ва донишҷӯёни  Донишгоҳи  славянии  Русияю  Тоҷикистон бо  раиси Шӯрои Федератсияи Маҷлиси  Федералии  ФР Валентина  Матвиенко баргузор  гардид.
 
Дар  маросими вохӯрӣ  Сафири Федератсияи  Русия дар  Тоҷикистон Игор  Лякин  —  Фролов,   роҳбари  намояндагии ҳамкории  Русия  дар  ҶТ  Владислав  Курнушко, вазири  маориф  ва  илми ҶТ  Нуриддин  Саидов ширкат  доштанд.
 
Ректори Донишгоҳи  славянии  Русияю  Тоҷикистон  Нуралӣ  Солеҳов  зимни суханрониаш  зикр  намуд, ки «муносибатҳои Тоҷикистону  Русия  тайи  солҳои зиёде   на  фақат  дар  бахши  сиёсату  иқтисодиёт, балки   дар соҳаи маориф   низ  муваффақона рушду  густариш  меёбанд».
 
Валентина  Матвиенко дар навбати худ ба роҳбарияти донишкадаи олӣ барои пазироӣ  ва ба мавсуф додани  унвони доктори  фахрии  Донишгоҳи  славянии   Русияю  Тоҷикистон  изҳори  миннатдорӣ  кард.
 
«Донишгоҳи  славянии  Русияю Тоҷикистон  дар давраи  мавҷудияташ чун  муассисаи дорои  сатҳи баланди  таҳсилотӣ дар байни  донишкадаҳои олӣ  обрӯи  зиёде  пайдо  кардааст», —  қайд  намуд  Валентина Матвиенко.
 
Мавсуф зикр  намуд, ки   дар Тоҷикистон  ҳар чи  бештар намояндагиҳои  донишкадаҳои нави  олии  Маскав   ифтитоҳ  мешаванд. «Ҳукумат  ва Вазорати  фарҳанг  барномаи  рушди  забони русӣ дар ҳудуди Тоҷикистонро дастгирӣ  менамоянд. Барои  пуштибонии  барномаи  мазкур  ба  Тоҷикистон  қариб 3  тонна  китобҳои  дарсӣ, ашёҳои  таълимӣ  ва тавсияномаҳои  усулӣ  оварда шудаанд»,- гуфт  Валентина  Матвиенко.