Бунёди 1000 гектар боғи нав дар Восеъ
Восеъ, 4.03.2014. (АМИТ «Ховар», Сулаймони Хол).-Солҳои охир соҳаи боғу токпарварӣ дар ноҳияи Восеъ рушд ёфта, бо ин мақсад барномаи махсус дар ин самт ба тавсиб расид.
Тавре ки Рустам Фақеров, муовини раиси ноҳия оид ба соҳаи кишоварзӣ гуфт, мувофиқи нақшаи дурнамо дар ноҳия дар соли 2014 бояд дар майдони 1000 гектар боғу токзор бунёд шавад. То ин муддат дар майдони 873 гектар боғу токзор бунёд шудааст.
Соли ҷорӣ боғу токпарварон мақсад доранд дар майдони 127 гектар токзор бунёд намоянд. Боғдорон дар айни ҳол ниҳолҳои серҳосили токро интихоб карда, қитъаҳои замин барои парвариши ниҳолҳоро муайян доранд. Дар кори бунёди боғҳои нав хоҷагиҳои ҷамоатҳои деҳоти ба номи Миралӣ Маҳмадалиев, Гулистон, ҷамоати деҳоти Рӯдакӣ, Абдӣ Авазов ва Мирзоалӣ Вайсов пешсаф мебошанд.