Д.Назиров 75 – сола шуд

Душанбе, 14.03.2014. (АМИТ «Ховар»,  Назир  Назиров).- Олим, нависанда, ходими  бахши  амният ва журналист  Давлатхоҷа  Назиров  75- умин солгарди зодрӯзашро  таҷлил  намуд. 
 
Давлатхоҷа  Назиров соли  1939  дар  деҳаи Қизил – Моҷири  ноҳияи  Фархор   таваллуд шудааст. Мавсуф  соли  1956  ба факултаи улуми табиатшиносӣ, шуъбаи биологияи Донишгоҳи  давлатии  Тоҷикистон  ба  номи  В.И.Ленин  дохил  гардида, соли 1961 онро  аз  рӯи  ихтисоси ҳайвонотшинос,  муаллими биология  ва  кимиё  бомуваффақият хатм  кард.
 
Солҳои гуногун  дар  мақомоти ҳизбӣ ва Кумитаи  амнияти давлатӣ  дар  шаҳрҳои Хоруғ, Душанбе, Хуҷанд, Қӯрғонтеппа  ва  Перми  Федератсияи  Русия  фаъолият  кардааст. 
 
Давлатхоҷа  Назиров   моҳи  октябри  соли  1989 бо  унвони ҳарбии полковник ба  нафақа баромад. Аз соли  2001  генерал —  майори мустафеи Қувваҳои мусаллаҳи  ИҶШС  мебошад.
 
Барои хидматҳои  поквиҷдононаю некаш борҳо сазовори ифтихорномаҳо гардида, бо  21  медал ва инъомҳои  қиматбаҳои  роҳбарияти Кумитаи амнияти  давлатии Иттиҳоди  Ҷамоҳири  Шӯравии  Сусёлистӣ   қадр  шудааст.