Дар моҳи март чанд рӯз истироҳат дорем?

Душанбе, 03.03.2014. (АМИТ «Ховар»,  Екатерина  Пасторова).- Мувофиқи  маълумоти  Федератсияи  иттифоқҳои  касабаи  мустақили  Тоҷикистон,  ба моҳи  март  бо  назардошти  рӯзҳои  шанбею  якшанбе  ва   рӯзҳои  ид  15  рӯзи  истироҳат  рост  меояд.
 
«Мувофиқи  Қонун  «Дар  бораи  рӯзҳои  ид»  агар   рӯзи  ид  ба  рӯзи  истироҳат  рост  ояд,  дар  ин  маврид  он ба  рӯзи   наздиктарини  корӣ  гузаронида  мешавад», — қайд  намуд  манбаъ. Имсол  Рӯзи  модар —  8  март,  ба  рӯзи шанбе  рост  омада,  бинобар  ин   рӯзи  душанбеи   10  март рӯзи  истироҳат   дониста  мешавад.  Ғайр  аз  ин   21, 22, 23,  24   март  ба  муносибати иди  Наврӯз  рӯзҳои  истироҳат  эълон  шудаанд. Азбаски  22 ва  23  март  ба рӯзҳои шанбею  якшанбе  рост  меоянд,  25 ва  26  март  ҳам  рӯзҳои  истироҳат маҳсуб  меёбанд.