Дарси кушоди ҳарбӣ барои омӯзгорон

 Душанбе, 12.03.2014. (АМИТ «Ховар», Лайло Тоирӣ).- Чанде пеш дар пойгоҳи Донишкадаи ҳарбии Вазорати мудофиаи Ҷумҳурии Тоҷикистон бо иштироки афсарону устодони соҳаи омодагии ибтидоии ҳарбии чанде аз мактабҳои миёнаи мамлакат ҷамъомад доир гардид.
Омӯзгорон зимни сафари хеш ба ин муассисаи олии ҳарбӣ бо афсарон ва устодони соҳибтаҷрибаи илми ҳарбӣ суҳбату мулоқот карда, аз    шароити  мусоиди  техникӣ,  аслиҳаи ҳарбӣ   ва  дигар қисмҳои  эҳтиётӣ, ки  дар синфхонаҳои таълимӣ фароҳам  оварда  шудаанд,  дидан намуданд.
Дар дарси кушод омӯзгорон аз шароити таълимиву маишии донишандӯзон, бо синфхонаҳои муҷаҳҳаз бо техникаи замонавӣ, китобхона, осорхонаи ҳарбӣ ва дигар мавзеъҳои омӯзишии донишкадаи мазкур аз наздик шинос гардиданд.