Фархориён: оби тоза барои 15 ҳазор аҳолӣ
Фархор, 31.03.2014. (АМИТ «Ховар», Сулаймони Хол).-Дар ноҳияи Фархор мувофиқи нақшаи дурнамо ба маблағи 12 млн. 100 ҳазор сомонӣ қубурҳои обгузар таъмиру навсозӣ гардида, инчунин 2 адад ҳавзи 1000 куба дар давоми соли ҷорӣ ба истифода дода мешавад.
Ба қавли директори Корхонаи фаръии гармидиҳӣ ва обу корези ноҳия Тӯрахон Сафархонов маблағҳои ҷудогардида барои навсозии бинои маъмурӣ ва барқарор кардани қубурҳои обгузар сарф шуда, баъди ба истифодадиҳӣ зиёда аз 15 ҳазор аҳолии шаҳрак бо оби нӯшокӣ таъмин мегардад. Мавриди зикр аст, ки корҳои барқарорсозӣ аз ҷониби чор ҷамъият: ҶДММ « Мутахасис»,ҶДММ «Умеди бахт», ҶДММ «Ҳамсафар» ва ҶДММ «Худоёр» бо сифати баланд ба анҷом мерасанд.