Иқдоми хайриявӣ дар КМТ
Душанбе,15.03.2014.(АМИТ «Ховар», Раъно Нусратуллозода).- Дирӯз дар Китобхонаи миллии Тоҷикистон (КМТ) бо ибтикори Ташкилоти ҷамъиятии «Ҷавонони асри 21» иқдоми хайриявӣ доир гардид. Иқдоми мазкур бо мақсади ҷамъоварии маблағ барои ҷарроҳии кӯдакони бемор Беҳрӯз Халилов ва Зайнаб Маҳмудова роҳандозӣ гардид. Зимни чорабинӣ расмҳои гуногун ба маърази намоиш гузошта шуданд.