Ифтихорномаи АИТ ба дониҷӯёни ДМТ

Душанбе, 15.03.2014 (АМИТ «Ховар», Фарзонаи Давлат).-Дирӯз, даври ниҳоии олимпиадаи ҷумҳуриявӣ миёни донишҷӯён барои дарёфти «Ҷоми Академияи илмҳои Тоҷикистон» дар Раёсати Академияи илмҳои Тоҷикистон ҷамъбаст ва ғолибон эълон гардиданд.
Тавре ки дар ин бора аз АИҶТ хабар доданд, дар ин олимпиадаи ҷумҳуриявӣ, ки наздик ба 200 нафар донишҷӯ аз донишгоҳҳову донишкадаҳои кишвар иштирок доштанд, ба беш аз 30 нафар имкон даст дод, ки соҳиби «Ҷоми Академияи илмҳои Тоҷикистон» шаванд ва аз миёни онҳо 10 нафар соҳиби ҷойи аввал гардид. 
Гуфта мешавад, дар озмуни мазкур, ки ба «20-солагии Конститутсия (Сарқонун)-и Тоҷикистон» бахшида шудааст, аз рӯй бартарӣ донишҷӯёни Донишгоҳи миллии Тоҷикистон мақоми аввалро касб карданд ва ба ифтихорномаи АИҶТ сарфароз гаштанд.